Namni namummaasaatiin
Kan inni madaalamu
Maaltu irraa hir’ate
Har’a kan haalamu
Hiyyummaa saatiinii
Kan inni tuffatamu
Gaaf tokko ni darbaaf
Maaliif hin jedhamu
Badiisaatiin ala
Kan inni jibbamu
Kaan isaa ni boona
Qabeenyaan dhaaddata
Hiyyeessa arguu hin fedhu
Maal abdateeti laataa
Hiyyeessis keetumaa
Ofiirraa dhiqattaa
Kun ulaagaadha jedhee
Eenyutuu murteesse
Uumaan hunda beekaan
Uumee wal qixxeesse
Kaanii daabboo laatee
Kaan yoomiin dhoowwata
Hanga feete boontus
Biyyomatu si nyaata
********
Huseen Curraa Dotii 2013
siifsiin 