Abiddi hamaadha
Abiddaan maaf taphattaa
Jireenya kee guutuu
Maalif of darartaa
Hanguma abiddaa
Wallaalteetii laataa
Mee waa’ee abiddaa
Waa xiqqoo siif kaasaa
Kan biyya alaa miti
Kan biyyuma keessaa
Kan ijaan argine
Kan gurraan dhageenye
Kan dhaloonni nuuf kenne
Yaa abidd!
Garjabummaa kee
Eenyutu siif ibsaa
Citaa irraa gubdee
Yoom dhiifte baaxii isaa
Kanattis hin dhiifne
Bakka tokkoo ka’ee
Guutuu biyyaa ga’e
Jireenyi ganamaa
Nama hundarraa ba’e
Bosonatti darbee
Kaayyoo bara eegeree
Dhuka isaa cabse
Sin birroofi bineensa
Hunda waliin raabse
Keessa konkolaatee
Bofa diimaaf xaras
Innoo yoom sodaate
Jawweefi gaararraa
Summii dhala namaa
Gubdee fixxe nurraa
Garjabummaa kee argaa
Citaan maaf sitti margaa
********
Huseen Curraa Dotii
E-mail:husseinc@yahoo.co
siifsiin 